كريم ربيع محمد

karimrabea108@gmail.com
التقييم العام
5 / 0

من هنا بدأت الحكاية وإني فعلا احاول اشتغل علي نفسي بشكل منظم .

انا شخص إجتماعي وبحب التعامل مع الناس وتكوين علاقات ، بحب الشغل جدا وبحب اعمل حاجة انا بحبها عشان اعرف اتقنها وأبدع فيها واعرف انجح فيها .

  • سنة 2018 خرجت من صدمة الثانوية ومشاكل وضغط نفسي فوق طاقتي وكنت حاسس بالخذلان من نفسي وكنت بجلد في ذاتي مقولكش بقا ، طبعا سمعت كلم كتير يحبط ويرجعك الف سنة ورا بالإضافة لشوية تفاصيل تانية أكثر ألما ، ولكن أنا بحب التحدي وكنت بتأثر جدا بكلام ده وبقعد أعيط لوحدي ولكن كان دايما عندي يقين إن كل شئ ليه سبب في الدنيا وإني خدت كلامها ده كتحفيز إني ابقي ناجح وشاطر .
  • دخلت كلية التجارة وقررت إني لازم أعمل حاجة واحقق جزء من اهدافي ومع نهاية اول سنة بدأت إني اشتغل في اي شغل يقدر يخليني اعتمد علي نفسي ، كنت بشتغل 14 ساعة وظيفتين ولما بخلص بروح اخد كورسات عشان اطور من نفسي !
  • سنة 2019 خلال شهرين من العمل كنت Team Leader وخلال 6 شهور كنت اصغر مدير تسويق كدا )وكنت بنزل اوزع اعلانات مع التيم بتاع ك ) Motivation ( .
  • كنت شغوف جدا إني ادرب الناس وبالفعل تفوقت في ده وكنت بدرب الناس بشكل كويس علي الشغل ومن هنا حبيت مجال التدريب ، وأخدت دورات تدريبية كتير.
  • )في تفاصيل كتير طبعا في النقلة دي وعشان اخد خطوة التدريب أصلا وانا لا أملك إلا شوية ثقة في نفسي ومؤمن بنفسي (
  • أول شخص ادربه علي برامج ميكروسوفت كان مدير تسويق ومبيعات ، كنت بروحله
  • مخصوص عشان اتدرب ومكنتش باخد فلوس إلا لما اتأكد الشخص اللي قدامي استفاد مني ولالا وكان حلمي أكبر من كدا .
  • سنة 2020 كان عندي ال Project الخاص بيا وفتحت شركة تدريب وتأهيل الطلبة لسوق العمل .
  • سنة 2021 قررت أعمل حاجة مختلفة تماما وهي ان يكون عندي فرع تاني لشركتي ، وكمان إترقيت من مدير تسويق لمدير تنفيذي ، ونفس السنة دي هي سنة تخرجي من الجامعة .
  • طبعا مكنش ينفع أقف عند المرحلة دي مانا بحب التطوير وبحب ابدع في الحاجة اللي بعملها
  • عشان كدا قررت خلال 2021
  • إني أدرس Coaching ! ليه التخصص ده بالذات ؟!
  • أنا شخص نوعا ما مؤثر في الإلقاء وكل الناس حواليا دايما بتقولي اسلوبك حلو وكانت تيجي تاخد رأيي في مشاكل رغم ان سني صغير ، وفي البيت بياخدوا رأيي دايما ووسط أصحابي دايما يقولوا إني شخص عاقل وبرضو كانوا بيحبوا تفكيري ونصايحي .!
  • بحب أساعد الناس جداً ومبحبش اشوف حد زعلان وبحكم ان كانت ناس كتير بتحب تاخد رأيي حتي لو من باب الفضفضة ولكني كنت فعلا بساعدهم في مشاكل دي ،
  • 2021 حبيت تكون سنة التطور وإني اتعمل حاجة علمية أقدر من خلالها اساعد الناس دي بشكل إحترافي أكتر وكان أنسب شئ هو ال COACHING . تخصص
  • (Relationship Coach – Business Coach)
  • مش دي النهاية ولكن مفيش حاجة بتخحصل مرة واحدة !
  • مش نجاح بيتولد من يوم وليلة وانت واقف مكانك بتتخيل فقط !
  • بلاش جلد الذات او التاثر بأراء الناس ولكن خد منهم ما يؤهلك للقمة ليس للقاع!
  • مفيش حاجة مستحيلة !
  • مفيش حاجة اسمها مش معايا أدوات .. أنا بدأت شركتي في أماكن إيجار بالساعة وكنت بروح
  • اشتغل في Work Space
  • وأنزل اوزع ورق عشان اجيب ناس تحضرلي ، أبدء باللي معاك واسعي انك تطوره بس لازم تبدأ !
  • أنا "كريم ربيع" شخص عادي جدا ومبسوط باللي وصلتله بس انا عارف ان في ناس ناجحة اكتر مني ولكني أقولك انا جزء من نجاحي هو ان بركز علي هدفي وحياتي انا مش حياة الاخريين ، إنت أكيد تقدر تحقق حلمك لو بس بدأت تخلي الحلم حقيقة في إنك تبدأ ولو خطوة بسيطة !
  • أهدافي وطموحاتي إني أقدر أوصل لأكبر عدد ممكن من المتابعين والمستفيدين وإني اكون جزء وفارق في حياتهم ، وإني أفضل منتظم في الصلاة ، وإني اوصل رسالتي للناس وهي "ألا تتوقف أبد ا "
  • أخيرا مفيش حاجة بتتم الإ بتوفيق ورضا ربنا وكثرة نعمه علينا بس إحنا نتعب ونجتهد ونستقوي بالله دايما ونستعين بيه .__

اترك تعليقا لطيفا


عدد التقييمات 0