إلبس العلاقة اللي تناسبك

 

في علاقة ( قصرت عليك) وبقت مبتسترش معاك.
وفي علاقة ( دابت) منك لسوء استخدامك أو يمكن تكون شايطة.
وفي علاقة ( واسعة عليك) ومش على مقاسك.
وفي علاقة ( اضيقت عليك) ومبقتش مناسبة .
وفي علاقة ( باهتة ) ومبقتش مزهزهة زي الاول .
وفي علاقة ( شيك جدا)  بتحاول تحافظ عليها كل ما تلبسها.
وفي علاقة ( مريحة ) بتحب تلبسها لما تبقي عاوز ترحرح.
وفي علاقة (حشمة) بتستر ومش بتشف, بتحس معاها بالأمان.
وفي علاقة ( ليكرا)  بتبقى مرنة في الحركة.
وفي علاقة ( قطن) بتمسح عرقك بعد المجهود والتعب.
وفي علاقة ( بوليستر) بتلفت النظر ، بس بتطلع لك ريحه .
وفي علاقة( بتخنق) بتحبها بس بتتعبك.
وفي علاقة( ماركة) ودي بتبقى ثمنها اغلى من قيمتها.

كل العلاقات دي لما تفتح ( دولاب) حياتك ، هتلاقيهم.
المهم انك تلبس اللي يناسبك ، والأهم تبقى عارف انت لابس ايه.
#فن_ادارة_الواقع
#medhat_ramzy